Blog | Tejas Kulkarni

आपल्या कॉमेडीने अख्ख्या जगाला गेलं शतकभर खळखळून हसवणाऱ्या लॉरेल अॅन्ड हार्डी या जोडीचा पहिला मूकपट होता द लकी डॉग... जो १९२१ मध्ये रिलीज झाला. एक कुत्रा, ज्यावर लॉरेलचं जीवापाड प्रेम असतं. आणि तो त्याच्या छोट्या छोट्या गोष्टींत सांभाळत असतो. पण यामूळे बिचाऱ्या हार्डीची पंचाईत होते. हार्डी कुत्र्यांना प्रचंड घाबरायचा त्यामूळे फार वेगळा अभिनय करायची गरज वाटली नाही. पण लॉरेल इतर वेळी सुद्धा हार्डीवर कुत्र सोडून त्याची फजिती करायचा. . अगदी कमी वेळेचा हा मूकपट प्रचंड चालला. आणि प्रेक्षकांनी या जोडीला डोक्यावर घेतलं. पण १९२१ नंतर तब्बल ५ वर्ष ही जोडी अज्ञातवासात गेली. आणि १९२६ मध्ये जाड्या हार्डी आणि रड्या लॉरेल पून्हा अवतरले ते "द ४५ मिनटस् फ्रॉम हॉलीवूड" मध्ये. "द ४५ मिनटस् फ्रॉम हॉलीवूड" हा हेल रिच या दिग्दर्शकाचा चित्रपट. हॉलीवूड चित्रपट बनवायची प्रोसेस लॉरेल अॅन्ड हार्डी करणार... त्यातून निर्माण झालेला प्रचंड गमतीशीर कल्लोळ या चित्रपटात होता. हाच चित्रपट, जिथे लॉरेल अॅन्ड हार्डी खऱ्या अर्थाने सुरु होतात. हेल रिचने नंतर त्यांच्याबरोबर हेल रिच स्टूडीयो स्थापन केला ...

लॉरेल अॅन्ड हार्डी : भाग १ . "मला कळू शकेल कां तू काय करत आहेस ?" - "हे बघ.... आपल्याला ४०० डॉलर्सचा... फायदा झाला आहे..." "आपण नाश्ता करूया कां ?" - "आधी आपण घरी जाऊ" आणि लॉरेन भोकाड पसरतो... . मी पाच-सहा वर्षांचा असतांना रोज संध्याकाळी ६ वाजले की सह्याद्री प्रादेशिक वाहिनीवर वेस्टर्न ट्रामचं संगीत आणि आपल्याकडे घोडागाडीला असतो तसा पॉssss भोंगा वाजायचा... रड्या लॉरेन अॅन्ड जाड, छोटी मिशी असलेला हार्डी अवतरायचे.... १९००-१९२० मधलं जून्या पद्धतीचं वेस्टर्न वातावरण, धडपडे कलाकार, बर्फ (स्नोफॉल), शेकोटी असलेली तिथली घरं यांनी अक्षरशः वेड लावलं होतं. (ते बघून बघून इतकं सवयीचं झालं होतं, की माझा मागचा जन्म तिथला आहे, आणि मी तिथे सगळं ओळखतो असं एक दोनदा त्या वयात बडबडलो होतो - आई सांगते.) . लॉरेल अॅन्ड हार्डी इतके बिंबले कारण मातृभाषेतून मराठीतून या जगप्रसिद्ध कलाकारांशी पहिली ओळख झाली... हार्डीचं माहित नाही, पण लॉरेलचा मराठी आवाज डॉल मेघना एरंडेने दिला आहे, जो आज पण कानात घुमतो आणि अति गोड आहे. दोन वर्ष चालल्यानंतर ती सिरीज बंद झाली, पण तो...